A ekziston më koalicioni PS – LSI? Të hënën Ilir Meta në “Opinion”

Ilir Meta do të jetë nesër në një intervistë me gazetarin Blendi Fevziu në emisionin “Opinion”, për t’i dhënë përgjigje jo vetëm kësaj pyetjeje, por dhe shumë të tjerave që “nxehën” politikën shqiptare. Pas deklaratës së sotme për reformën dhe qëndrimit të tij për mundësinë e një qeverie teknike, Ilir Meta është shndërruar në protagonistin kryesor të politikës e vila prej javësh mbeti peng i miratimit të reformës. A do te miratohet reforma sipas afateve të enjten e ardhshme në parlament? Cili do të jetë qëndrimi i LSI në të gjitha variantet e mundshme? A është e gatshme politika dhe 2 partitë e mëdha për të shkuar në zgjedhje me qeverine teknike dhe pse Meta këmbëngul për dicka të tille? Cilat janë marrdhëniet e tij me ambasadorët Lu dhe Vllahutin? A ka patur negociata të nëndheshme reforma dhe çfarë roli ka luajtur ish- kryeministri Berisha? Marrdhëniet e Metës me Bashën dhe Ramën dhe e ardhmja e koalicionit nëse do të ketë zgjedhje. Këto dhe shumë pyetje të tjera do të gjejnë nesër përgjigjë në orën 22.15, drejtpërsëdrejti në intervistën e kryetarit të kuvendit në emisionin “Opinion”.