Një e moshuar është përplasur ditën e sotme nga një automjet në rrugën “Ferit Xhajko”, duke shënuar kështu aksidentin e tretë brenda pak orëve në Tiranë.
Kjo video e publikuar nga faqja “Jeta osh qef” tregon se si e moshuara gjendet e shtrirë në rrugë, e gjakosur teksa një person i jep ndihmën e parë në pritje të ambulancës.
“Ka 25 minuta që presim ambulancën dhe gruaja rri e shtrirë”-dëgjohet të thotë një kalimtar.
Në video dëgjohen zërat e qytetarëve që ankohen për vonesën e ambulancës. E moshuara u dërgua në spital pas 35 minutsh.
Mësohet se automjeti që përplasi gruan, drejtohej nga femër.
