Një nënë ka bërë një kërkesë dëshpëruese për vajzën e saj. Ajo kërkon që dikush të adoptojë fëmijën e saj, pasi nuk ka mundësi financiare. Gruaja u gjet poshtë statujës të “San Pio”, në hyrje të qendrës historike të Castelvolturno, Itali. Kërkonte tu fshihej rrezeve të diellit përvëlues.
Në hije kishte sistemuar edhe karrocën, të vetme gjë që posedonte. “Brenda karrocës ndodhje një fëmijë i sapolindur. “Nëse mundeni më ndihmoni”, ka thënë gruaja, personave të parë që i janë drejtuar për t’i dhënë ndihmë. “Mos e bëni për mua por për këtë vajzë. Nuk kam qumësht, nuk kam para dhe ajo ka nevojë që të hajë. Ju lutem adoptojeni vajzën time sepse unë jam e pashpresë”, ka vijuar gruaja.
Protagoniste e kësaj historie të trishtuar është një bullgare 24 vjeçe dhe vajza e saj që ka lindur të enjten në spitalin e Aversas. Gruaja më parë ka punuar si prostitutë në Itali. Për disa muaj, kur barku nisi që t’i rritej, ajo e la aktivitetin dhe askush nuk u kujdes më për atë./Shqip
