Mësohen detaje rreth aksidentit të rëndë që ndodhi sot më mëngjes në Berat, ku një grua humbi jetën. Nga dëshmitarët në vendin e ngjarjes policia thotë se gruaja është hedhur nga mikrobusi.
“Shoferi ka bërtitur: -Më janë këputur frenat! Në këtë moment gruaja është hedhur”, kanë treguar pasagjerët e tjerë.
Në mikrobusin me targa AA705FL po udhëtonin 12 pasagjerë, ndërsa humbi kontrollin dhe u rrëzua nga shpejtësia, pasi i ishin këputur frenat duke përfunduar jashtë rrugës pranë Gurores.
Nga aksidenti ka gjetur vdekjen e menjëhershme F.H. 54 vjeçe, ndërsa i plagosur ka mbetur bashkëshorti Z.H. 60 vjeç banues në Urën Vajgurore.
Të plagosurit janë transportuar për ndihmë në spital, ndërsa policia ka arrestuar drejtuesin e mjetit për të sqaruar shkaqet e aksidentit.
