“Mund të them se në një farë mënyrë fluksi i refugjatëve është përdorur edhe për të infiltruar terroristë”.
Kështu ka deklaruar kancelarja gjermane Angela Merkel në mitingun e Partisë Kristiandemokrate në Zinggst, për një nga problematikat më të përfolura të politikës së saj, të dyerve të hapura për emigrantët.
Pavarësisht kësaj, Merkel tha se Europa është drita jeshile për të gjithë ata që jetojnë në pjesët më të varfra të botës, raporton express.
“Ata do të mundohen të shkojnë diku tjetër, të shpërngulen dhe kjo sigurisht nuk është gjë e mirë për vendet e tyre as për ne. Imagjinoni një vend si Togo, një shtet i vogël afrikan ku 75% e popullsisë ose 3 në 4 persona janë më të rinj se 25 vjeç”, tha Merkel.
Gjatë fjalës së saj, kancelarja gjermane u ndal edhe te kryefjala e bisedimeve të Bashkimit Europian, Brexit. Sipas saj, Gjermania ka negociata të vështira me Britaninë, dhe ato nuk do të jenë të thjeshta, transmeton Shekulli.
“Kjo është pse ne si 27 vendet anëtare duhet të pyesim: Si duam të duket Europa tani?”, tha Merkel.
