Vlora është shokuar sot në drekë, pasi dy persona të maskuar në qendër të qytetit, kane vjedhur një bankë të nivelit të dytë.
Siç mësohet nga njoftimi policisë, të dy personat kanë qenë të armatosur me maska dhe kanë arritur të neutralizojnë rojen e më pasi, njëri prej tyre të konsumojë vjedhjen e parave tek të dyja sportelet e bankës. Pasi ka marrë parat, në dy thasë apo qese, personat janë larguar me shpejtësi.
Policia ka mbërritur në vendngjarje, por nuk ka arritur të kap autorët. Mësohet se u ngritën dhe grupe specialie për të ndaluar arratinë e grabitësve, por më kot, pasi ata arritën të largohen. Disa media bëjnë me dije se shuma e parave të grabitura arrijnë shifrën e 35 mijë euro dhe kjo ka çuditur jo pak hetuesit, që po hetojnë edhe mbi këtë pjesë, ashtu siç po hetojnë edhe për informacionin që kishin autorët për derën dytësore…
“Policia e Vlorës, ne njoftimin e derguar per grabitjen ne banke ne qender te qytetit thekson se, ka marrë njoftim se në orën 13:56 minuta, 2 persona të paidentifikuar ende kanë vjedhur një Bankë të nivelit të dytë. Banka ndodhet pranë “Sheshit të Flamurit”.
Nga informacionet paraprake, dyshohet se grabitësit mbanin të veshur rroba me kamoflazh dhe kapele me strehë. Ata kanë marrë nën kërcënimin e armëve, shumën e xhiros ditore, por ende nuk është e qartë sasia monetare e vjedhur (burime mediatike thanë 35 mijë euro).
Grabitësit i janë drejtuar arkës dhe pasi kanë marrë shumën nga të dyja sportelet janë larguar nga vendngjarja. Sipas dëshmive të para të punonjësve të bankës dy personat të ri në moshë e të shëndoshë ishin të maskuar e të armatosur.
Njëri prej grabitësve ka vijuar aksionin brenda ambienteve të bankës dhe tjetri e ka pritur jashtë duke mbajtur nën kontroll rojen e sigurisë, më pas të dy pasi kanë ecur disa metra në këmbë janë larguar me një automjet.
Gjatë grabitjes nuk ka patur asnjë person të lënduar, njofton Policia e Vlores.
Policia e Vlorës sapo ka marrë njoftimin ka ngritur disa pika kontrolli në akset kryesore hyrëse dhe dalëse të qytetit. Dhjetëra efektivë të Policisë janë vënë në ndjekje të autorëve. Janë sekuestruar ndërkohë pamjet e kamerave të sigurisë së Bankës si dhe të disa bizneseve përreth vendit ku ndodhi grabitja.
Vijojnë hetimet për identifikimin e autorëve të ngjarjes./360gradë.al
