Ka mjaftuar një orë takim me ambasadorin amerikan në Tiranë, Donald Lu dhe kreut të komisionit të Reformës në Drejtësi, Fatmir Xhafaj për të marrë vesh faktin se shumica nuk e ka propozimin e kreut të PD-së, Lulzim Basha, lidhur me formulën e re për rekomandimin e 88 të Venecias.
“Unë nuk thashë që gënjen Basha, thashë vetëm që ne nuk e kemi propozimin, pyeteni zotin Basha ku e ka çuar propozimin, kujt ia ka çuar, me remomande apo postë të zakonshme”- tha Xhafaj
Ai theksoi se nuk ka asnjë kuptim që sa kohë flitet për negociata nxirren propozime që nuk janë cuar më parë në tryezën e negociata.
“Ka një diference mes nesh dhe PD, ne për gjëra që janë në negocim nuk i bëjmë publike, nuk marrim mitralozin dhe të vrasim para se të ulemi të diskutojmë, PD bën publike një gjë që nuk e ka cuar në tryezë negocimi”- tha ai.
Takimi me ambasadorin amerikan Lu dhe kreut të komisionit të Reformës në Drejtësi, Fatmir Xhafaj, u mbajt në kryesinë e Kuvendit . Ai erdhi një ditë pas letrës së ambasadorit amerikan drejtuar deputetëve të Kuvendit të Shqipërisë, ku u kërkonte të vendosnin për reformën, si dhe ta votonin atë edhe nëse nuk arrihet konsensusi mes palëve.
