Autorët e spergrabitjes në Rinas, dyshohet se kanë përdorur në total 3 makina për tu larguar nga vendi i ngjarjes. Automjeti i parë është Mercedes Benc ngjyrë vishnje që pamë të gjithë përmes pamjeve që regjistruan kamerat e sigurisë. Autorët e dogjën këtë mjet vetëm pak minuta pas grabitjes tek Ura e Gjolës në Fushë-Krujë. Sakaq burime nga prokuroria, të cilave u referohet ABCNEWS kanë deklaruar se më tej autorët kanë përdorur edhe dy makina të tjera. Ata thanë gjithashtu se janë sekuestruar pamje filmike të disa kamerave të sigurisë së bizneseve në rrugën Rinas drejt urës së Tapizës dhe rrugës për Fushe-Krujë dhe Vorë nga dyshohet se lëvizën autorët. Nga këto pamje, thanë burimet janë verifikuar lëvizjet prej orës 14:20 minuta deri në ora 15:00 kohë kur mendohet se grabitësit janë larguar nga vendi i ngjarjes dhe vendi i ngjarjes (djegia e makinës së grabitjes).
Nga këto pamje, janë krijuar dyshohet se njëri nga mjetet e largimit ka qenë një furgon transporti,i cili ka hyrë në zonën e Laknasit ndërsa makina tjetër ka marrë drejtimin e Vorës. Por mbetet për tu sqaruar nëse këto mjete të dyshuara janë pikërisht, ato që kanë përdorur autorët e grabitjes.
Në dosjen e prokruorisë thuhet se grabitësit në orën 14:23 minuta ka prerë drynin e portës nr.3 të aeroportit duke hyrë brenda perimetrit të sigurisë dhe në ora 14:27 minuta ka dalë po nga e njejta portë me dy thasët e mbushura me para. Nga verifikimi i telefonatës së bërë në sallën operative të policisë, rezulton se operatori i saj është njoftuar nga punonjësit e monitorimit të kamerave të sigurisë pikërisht në ora 14:33 minuta, 10 minuta pasi ishte thyer perimetri i sigurisë së aeroportit.
Nga ana tjetër, burime nga policia thonë se në paruken e gjetur pranë vendit ku është djegur makina e grabitësve, janë gjetur mbetje yndyrore që laboratori ka arritur të identifikoje një profil të ADN-së. Por pritet, që në përfundim të raportit të ekzaminimit biologjik nga laboratori të publikohen të dhënat zyrtare për personat e dyshuar.
