Më shumë se 160 persona humbën jetën në sulmin e tmerrshëm të së dielës në Bagdad. Kjo është vetëm një nga tetë sulmet e ndryshme që kanë ndodhur gjatë Muajit të Ramazanit, që mendohet se janë kryer nga i ashtuquajturi Shtet Islamik (ISIS).
Në total, më shumë se 300 persona kanë vdekur në sulme të tilla nga Orlando, në Daka, në Stamboll.
BBC shkruan sot në një analizë shkruar nga Shiraz Maher, pjesë e Kolegjit King, Londër, se teksa Ramazani është parë tradicionalisht si muaji më i shenjtë dhe shpirtëror në kalendarin islamik, një kohë për pendesë dhe vetëpërmbajtje, i ashtuquajturi Shteti Islamik, ka zgjedhur këtë periudhë kohe për të sulmuar me bomba.
Radikalët e konsiderojnë Ramazanin si muaj të pushtimit dhe të plaçkitjes. Ata besojnë se është një moment i përshtatshëm për të dyfishuar luftën e tyre dhe për këtë arsye kryejnë më shumë sulme se sa normalisht.
Në të vërtetë, dega zyrtare e al-Kaedës në Siri, Fronti Nusra, së fundmi e përshkroi atë si “një muaj i pushtimeve”.
Teksa Ramazani afrohej, zëdhënësi i ISIS, Abu Mohammed al-Adnani iu drejtua mbështetësve në gjithë botën;
“Përgatituni, të jenë të gatshëm për një muaj fatkeqësish kudo për jo-besimtarët … sidomos për luftëtarët dhe mbështetësit e kalifatit në Evropë dhe Amerikë.”
Interpretimet ekstremiste
Myslimanët e zakonshëm janë të dëshpëruar në këto interpretime të xhihadit dhe lidhjen që i bëhet atij me Ramazanin.
Për ta ky është një muaj i përmbajtjes dhe reflektimit, por e tillë është kriza e Islamit modern që interpretimet ekstremiste të njëjtën ide e kanë shkëputur thuajse tërësisht nga kuptimet normative.
Për mendjen radikale, nëse inkurajohet lutje shtesë dhe dhënia e lëmoshës gjatë Ramazanit, atëherë pse jo të mos ketë më shumë gjakderdhje?/Panorama
