Grabitja e parave në aeroportin e Rinasit në mesditën e 30 qershorit prej tre ditësh është tema që ka shokuar opinionin publik shqiptar, jo vetëm për sasinë e madhe të paras së grabitur, por më tepër për vendin ku ndodhi grabitja.
Emisioni “Opinion” i transmetuar në TV Klan ka zhvilluar mbrëmjen e sotme pikërisht këtë temë të debatuar aq shumë prej disa ditësh në Shqipëri.
Në vazhdën e këtij debati, njëri prej të ftuarve në Opinion, Spartak Koka, gazetar në TV Klan, bëri me dije se pjesa më e madhe e perimetrit të jashtëm të aeroportit, nuk survejohet e gjitha nga kamerat e sigurisë.
Koka tha në lidhje me skemën e realizuar në 3D, Porta është pa sensorë sigurie që të sinjalizojë hapjen dhe mbylljen e saj.
Automjeti i blinduar ndodhet në pistë me shofer të paautorizuar, të patrajnuar për shoqërimin e vlerave monetare. Ndërkohë nga 2 persona, ndodhej ne makine vetëm shoferi.
Dyert e mjetit të blinduar janë të hapura dhe kjo ju ka dhënë mundësinë autorëve të grabitjes të futen brenda tij. 1 milion euro u grabiten mesditën e së dielës në brendësi të aeroportit të Rinasit.
