Një shpërthim dhe të shtëna armësh janë dëgjuar në aeroportin “Ataturk” të Stambollit, njoftojnë mediat turke.
Sipas një burimi, cituar nga agjencia Reuters, bëhet me dije se ka pasur dy shpërthime dhe si pasojë janë shënuar dëmtime të shumta materiale.
Ndërsa, të shtënat e armëve janë drejtuar nga një parking pranë aeroportit, raporton agjencia.
Të dhënat paraprake bëjnë me dije se taksitë po transportojnë njerëz të plagosur nga aeroporti.
Në dhjetor, ka ndodhur një shpërthim në pistë në një tjetër aeroport të Stambollit, ku u vra një pastruese.
Sulmet e fundit në Turqi kanë qenë të lidhura me separatistët kurdë apo pjesëtarë të grupeve të ISIS.
