Luleshtrydhet janë frut që kanë pak kalori dhe kanë efekte pozitive në shëndetin e lëkurës. Ato janë gjithashtu një mënyrë e mirë për pastrimin e lëkurës, me ndihmë të vitaminës C dhe A, të cilat e mbajnë atë të butë dhe të tonifikuar.
Rekomandohet që ju një herë ose dy herë në javë, luleshtrydhet t`i vendosni në fytyrë të prera në rrathë, ose të bëni prej tyre maskë të butë, të cilën më pas do ta shpërlani së pari me ujë të vakët, dhe pastaj me ujë të ftohtë. Nëse i pastroni dhëmbët me to, do t’i hiqni shtresat e mbledhura dhe dhëmbët do t’i bëni më të bardhë.
Gjithashtu luleshtrydhet kanë një efekt të pazëvendësueshëm në luftën kundër celulitit. Vitaminat A dhe C janë antioksidante, dhe ato ngadalësojnë plakjen dhe humbjen e elasticitetit të indeve, shkatërrojnë radikalet e lira. Prandaj konsumi i rregullt i tyre do ta përshpejtojë qarkullimin e gjakut dhe do të ndihmojë në luftën kundër armikut të urryer për shumë femra.
