Kampionati Evripan tani ka filluar me fazën e eliminimit direkt, ndërsa edhe yjet e futbollit po i ndihmojnë kombëtaret e tyre, disa më pak e disa më shumë.
Por, kush janë ata që kanë ndihmuar më shumë kombëtaret e tyre me shënimin e golave apo asistimin e tyre tregon Uefa.com përmes faqes zyrtare.
Deri më tani është ylli i Uellsit, Gareth Bale ai që udhëheq në garën për ‘Këpucën e Artë’ me 3 gola të shënuar dhe 1 asistim në 353 minuta të luajtura, transmeton Koha.net. Ndërsa pas tij është Alvaro Morata që ka po ashtu 3 gola të shënuar në 219 minuta, por nuk ka bërë asnjë asist që e vendos Balen lider për këtë garë, raporton koha.net.
I treti për ta fituar ‘Këpucën e Artë’ është francezi Antoine Griezmann me tre gola në 255 minuta, por s’ka asnjë asist.
Pas tyre janë Cristiano Ronaldo me 2 gola e 2 asiste në 390 minuta, dhe Dimitri Payet me 2 gola e 1 asist në 297 minuta të zhvilluara.
Fituesi i ‘Këpucës së Artë’ në Evropian përcaktohet nga numri i golave të shënuara, asisteve dhe minutave.
