Një shpërthim i fuqishëm ka ndodhur në qendër të Bolonjës, Itali. Mësohet se ngjarja ka ndodhur në një restorant të njohur me emrin “Zuma” mes rrugëve “Fossalta” dhe “Altabella”.
Në vendin e ngjarjes kanë shkuar zjarrfikësit, karabinierët dhe ambulancat. Nga të dhënat e para mësohet se ngjarja ka ndodhur nga shpërthimi i gazit.
Brenda lokalit mësohet se kanë qenë vetëm punonjësit, të cilët janë plagosur.
Deputetja e PD-së italiane, Sandra Zampa duke publikuar një foto në Twitter ka shkruar: “Një shpërthim i madh në Bolonja, mu në qendër në rrugën Fossalta”.
