Miliona aktivistët për mbrojtjen e kafshëve dorëzuan në qeverinë kineze një peticion të nënshkruar nga miliona njerëz nga mbarë bota me kërkesën për të parandaluar festivalin e paralajmëruar të mishit të qenit në qytetin jugor kinez Yulin.
Raportohet se një grup i aktivistëve sot ka mbajtur protesta dhe njëherit qeverisë në Pekin i dorëzuan një peticion të nënshkruar me mbi 11 milionë njerëz të tubuar nga fushata e mëparshme në të gjithë botën, shkruan AA.
Protestuesit mbanin fotografitë e qenve në kafaze të cilët presin të vriten dhe në pankarta të mëdha qëndronte mesazhi “Unë nuk jam ajo çfarë ti duhet të hash”.
“Yulin është turpi i Kinës. Nëse nuk mund të parandaloni vrasjen mizore të qenve dhe konsumin e mishit të tyre, kjo do të thotë se pushteti lokal i atij qyteti nuk ka kryer detyrën e saj që të mbrojë qytetarët, veçanërisht fëmijët. I thërrasim zyrtarët e Yulinit që menjëherë të ndalojnë festivalin në emër të sigurisë publike, mbrojtjen e përdoruesit dhe sigurinë e ushqimit”, thonë nga Shoqata për mbrojtjen e kafshëve të Pekinit.
