E pa mundur si duket që emri i Luanës të ndahet përfundimisht nga ai i Adrian Gaxhës.
Këngëtari sapo ka publikuar projektin e tij më të ri muzikor në bashkëpunim me Lindonin, të titulluar “Money”.
Kënga, e cila flet për ndikimin e njerëzve nga paraja erdhi si një befasi për fansat e dyshes që erdhën krejtësisht ndryshe nga projektet e kaluara.
Teksti: “Kqyrma ex-in, mka ndrru me tjetrin veç pse e ka cashin”, i shoqëruar pastaj me deklaratën e Adrianit se për këtë tekst ka punuar rreth katër muaj dhe se është shumë i rëndësishëm për të, bëri që publiku dhe mediat të aludojnë se i kushtohet ish të dashurës së tij, Luanës.
I kontaktuar nga GazetaExpress, Adriani pranoi se teksti ka të bëjë me jetën e tij, por mohoi se i dedikohet Luanës.
“Kur kemi fillu me tekstin unë natyrisht që kam bisedu me Bimin dhe Lindonin për gjendjen si ndihesha dhe kemi arritë të krijohet teksti që është sot, por nuk ka të bëjë vetëm me mua por edhe me rrethin, shoqërinë dhe ndodhitë e tyre dhe rendësinë që paraja ka sot tek njerëzit”, tha Gaxha duke mohuar se lidhet direkt me Luanën.
Kënga është e shkruar nga Lindoni dhe Bim Bimma dhe vjen vetëm pak ditë para projektit të ri solo të Florianit, realizimi i të cilit tashmë është në përfundim e sipër.
