Sërfisti australian Ben Gerring ka ndërruar jetë dje në mëngjes në spital, ku qëndroi 3 ditë në gjendje kritike, pas plagëve të rënda që mori gjatë një sulmi të një peshkaqeni të bardhë të madh.
Aksidenti ndodhi 3 ditë më parë në plazhin e “Falcon Bay”, në Australinë Perëndimore, plazh që për momentin është mbyllur. Gerring po bënte sërf, kur u sulmua nga një peshkaqen i bardhë (4.2 metra i gjatë), duke humbur gjysmën e këmbës së majtë.
Edhe pse për momentin sërfisti arriti të mbijetonte dhe të transportohej me urgjencë në spital, pas 3 ditësh betejë me vdekjen Ben Gerring nuk ia doli dot mbanë. Ishin shokët e sërfistit ata që e tërhoqën drejt bregut dhe dërguan në spital, pasi panë sulmin e egër të peshkaqenit ndaj kolegut të tyre, që sot ndërroi jetë.
