Nga Suada Daci
Albano Bogdo aktori i dashur i “Apartamenti 2 XL”, tërheq gjithnjë vëmendjen e publikut me batutat dhe humorin e tij, por edhe me statuset apo reagimet në rrjetet sociale. Këtë herë ka qenë në qendër të vëmendjes mediatike, për lënien përgjysëm të programit 2XL (pikërisht në puntatën finale).
Duke e njohur Albanon dhe dashurinë e tij për këtë program, ishte e qartë që diçka duhet të kishte ndodhur, pasi ai nuk do ta linte për asgjë në mes këtë show humoristik.
Komediani i njohur tregon për herë të parë në Opinion.al gjithçka ka ndodhur, duke i dhënë “zë” të gjitha thashethemeve që po qarkullojnë për të në portalet dhe mediat sociale…
Atëherë Albano nuk po bëj hyrje të gjatë se e di që ti i urren elozhet dhe hyrjet e gjata, çfarë ndodhi që e le përgjysëm “2XL”?
Kisha disa ditë që po kaloja një sëmundje dhe përpara shfaqjes fola me Turin dhe me Julin dhe ramë dakort që të dilja në shfaqje. Mirëpo aq rezistova, nuk kisha më energji, dhe u detyrova ta lija në mes.
U ndjeve keq që nuk e përfundove puntatën finale, pasi ti je një nga aktorët kryesor të këtij show humoristik?
Sigurisht që u ndjeva keq. Askush nuk ndihet mirë të lë punën në mes. Unë nuk e kam në natyrë të dorëzohem. Sa për aktorin kryesor nuk ka kryesor në 2XL. Kjo është arsyeja pse është emisioni më “cool”, pasi të gjithë janë të paparë.
Pse nuk nxorre ti një reagim në rrjetet sociale, por ishte Juli ai që sqaroi fansat e Apartamentit për mos prezencën tëndë?
Sepse nuk e kisha lexuar lajmin që po bënte xhiron në internet, që unë paskërkam ikur nga 2XL (qesh). Juli e lexoi i pari dhe bëri edhe sqarimin.
Do të shohim sezonin tjetër në 2XL? Nuk ke menduar ndonjëherë të lëvizësh nga ky show, nuk mendoj që të kanë munguar ofertat për t’ju bashkuar një tjetër formati humoristik?
Ofertat më kanë munguar, sepse është e kotë ti bësh ofertë dikujt që nuk ikën. Këtë e dinë të gjithë, unë nuk iki. Për vetë faktin që mendoj se është formati që më përshtatet më shumë, plus marrëdhëniet që kam me drejtuesit, kolegët, me njerëzit që na ndjekin, etj. S’besoj se mund ta gjej diku tjetër atë frymë. Ne jemi si familje.
Pse i “urren” kaq shumë gazetarët kam përshtypjen që me ty kanë qenë gjithnjë dashamirës?
Nuk i urrej fare gazetarët, shumicën i kam shokë, si ty përshembull. Thjesht siç na kritikojnë gazetarët kur ne nuk bëjme diçka mirë, ashtu i kritikoj dhe unë kur e bëjnë punën me by***ë.
Me çfarë merret Albano kur mbaron “Apartamenti”?
Me çdo gjë që merret edhe kur është “on going Apartamenti”.
Ku do ti kalosh pushimet verore, apo jemi akoma herët për pushime?
Në shtëpi…
