Në prag të fillimit të Kampionatit Europian “Francë 2016”, trajneri i përfaqësueses zvicerane, Vladimir Petkoviç, gjatë intervistës për gazetën kroate “Sportske Novosti“, ndër të tjera ka komentuar edhe ndeshjen në mes Shqipërisë dhe Zvicrës, të cilat do të përballen më datë 11 qershor në takimin e parë për këto dy ekipe në Grupin A.Petkoviç ka deklaruar se kjo ndeshje do të jetë një lojë emocionale për të dyja palët
“Gjithsesi do të jetë emocionale për disa lojtarë, por jo vetëm nga ana jonë, sepse edhe disa nga lojtarët e Shqipërisë luajnë në ligën e Zvicrës, dhe këtu jetojnë e punojnë dhe këtu i kanë familjet”, ka thënë Petkoviç duke shtuar se “fundja kjo është vetëm një lojë ku secila palë dëshiron të fitojë””, deklaroi trajneri i Zicrës.
Me anëtarësimin e Kosovës me të drejta të plota në UEFA dhe FIFA, përfaqësuesja e Zvicrës i druhet eksodit të mundshëm të futbollistëve me kombësi shqiptare, një fakt ky që ka ngjallur kontestimin e helvetëve që në votimin e mbajtur në FIFApër njohjen e Kosovës.
“Nuk shqetësohem për këtë. Nga disa prej tyre të cilët do të mund të luanin për Kosovën, asnjëri nuk ka thënë se e ka si opsion të vërtet. Askush nga federata zvicerane nuk është kundër që Kosova është pranuar në UEFA dhe FIFA, por do të doja që disa rregulla të ishin vendosur kohë më parë, në mënyrë që mos të iu bëhen presion disa lojtarëve”, shprehet ai.
