Fëmijët dhe kujdesi që duhet të kenë ata në lidhje me përdorimin e internetit është bërë një nga sfidat kryesore për familjet shqiptare. Ata po konsiderohen kontigjenti më i prekur nga interneti dhe rreziqet që sjell ai, si risi e re, jo vetëm për jetën e tyre, por edhe si diçka pothuajse e panjohur për prindërit shqiptar.
Pasi ky stil jetese është krejt i ndryshëm nga stili i jeteses së prindërve të tyre shumë vite më parë. Andaj, kjo risi e futur me shumë vrull në jetën e tyre është kthyer në një betejë të vërtetë për t’u bërë të mundur një internet më të sigurtë përsa i përket përmbajtjes.
Në vazhdën e këtij debati, specialist i IT-së, si dhe webmaster Arbër Rrapi theksoi në lidhje me temën se interneti siç i lidh njerëzit për gëzime, po ashtu i lidh edhe për halle.
Rrapi bëri me dije se kanë shumë përgjegjësi kryesisht këto kompanitë e mëdhaja të internetit siç mund të jenë, Apple, Microsoft etj. Ai vuri në dukje se pavarësisht kësaj, këto kompani kanë dhënë zgjidhje shumë të thjeshta se si mund të mbrohemi nga teknologjia.
“Është shumë e rëndësishme, kryesisht fakti i ngacmimeve në internet, që krysisht të rinjtë shkruajnë nëpër muret e njëri-tjetrit në profilet e tyre në rrjete të caktuara sociale, ku çuditërisht ka ndodhur që edhe këto ngacmime janë bërë burim serioz grindjesh mes tyre”, tha ai në Opinion.
