Ish kryeministri Berisha ka akuzuar ashpër kryeministrin Edi Rama se ai sëbashku me të vëllanë Olsi fshihen pas konçesionit të përjetshëm të stadiumit kombëtar.
Kompania “Albstar” nuk do të shpenzojë asnjë para për të ndërtuar projektin sqaroi ish kryeministri Berisha sepse sipas tij paratë janë gati: “10 milionë euro janë dhënë nga FSHF, 10 milionë nga qeveria dhe 20 milionë euro janë dhënë nga UEFA”.
Sipas ish kryeministrit Berisha kjo është një megaaferë ku Edi Rama duke përdorur pushtetin ekzekutiv grabit për interesa personale, 100 mijë metër katrorë truall publik.
Ndërkohë Berisha ka zbuluar edhe një detaj interesant duke iu referuar informacioneve të “qytetarit dixhital” sipas të cilit Rama ka vendosur që kulla e stadiumit të njihet me emrin e babait të tij, skulptorit të ndjerë Kristaq Rama.
