Nga Dritan Laci
Kur Rama thoshte: “Prisni, prisni se s’keni parë asgjë akoma”, shumë syresh thoshin me zë dhe pa zë, “Ore çdo të shohim që se kemi parë që e ka parë ky kryeministri ynë dhe që s’na e thotë”. “Ç’të jetë vallë kjo hata që po na mban të fshehur ky i pari ynë”.
U rrokullis mali i Rilindjes disa herë dhe ndërsa prisnim të na zinte përfund, ai prapë na thoshte “Prisni, prisni se s’keni parë gjë akoma”.
Duke pritur gjithë makth të na vijë gjëmëmëdha dhe të na zerë të tërëve përposhtë.
Dhe ja ku na u desh një mbrëmje maji Shukrija i Dibrës, që të na tregonte se Rilindja nuk është gjë tjetër vetëm se shëmbëlltyra e Mbretit Lakuriq të Andersenit. Që bridhte me allate jashtë nëpër rrugët e mbretërisë së tij, ndërsa mendonte se ishte i veshur më së bukuri. Pikërisht ashtu si Rilindja e përfaqësuar nga modeli i Shukrijes dhe i shumë Shukrijeve të tjerë të cilët postin që ju dha Rilindja, kanë vendosur ta ç’pojnë përpara me penis në dorë.
Modeli i cili sjell zhvillim, në një vend ku siç thotë kryeministi Rama: “Shqiptarët janë dembela se punë ka, por nuk duan të punojnë. Ku punë ka, por profesionistë s’ka”. Ku mjafton të shkosh te Shukrija se punën e ke të garantuar.
E pra punë ka. Vetëm në sektorin e Turizëm-Hotelerisë, siç ka thënë vetë Rama, ka me dhjetra vende pune të lira. Mjafton ti thuash Shukrijes dhe ai të çon në hotelet më të mira. Madje të siguron të gjitha komoditet e udhëtimit. Me makinë të mirë. Me xhama të zinj që të mos shqetësohesh nga shikimi depërtues i syve dashakeqës. Me dollarë, euro, yeni japonez….
“Pelivan s’është por ama shërbëtorin ta bën”. A nuk u tha kështu Rama grave dibrane kur ua vuri përpara Shukrijen. E pra Shukrija nuk ka bërë asgjë tjetër vetëm se i ka qëndruar besnik të zotit në thëniet e tij lapidare. Shukrija është thjesht shëmbëlltyra e Rilindjes lakuriqe.
A do presim më shumë? Nuk e di çfarë duhet të presim më shumë, ndërsa të gjitha kanë dalë sheshit dhe paturpësia është bërë kaq ashiqare sa ka hequr kostumin zyrtar dhe shëtit lakuriq në Mbretërinë e Rilindjes, që për turpin e saj të zi akoma se ka kuptuar që ashtu si Mbreti Lakuriq i Andersenit, është kthyer në gazi i botës me bëmat që na servir Mbreti dhe shërbëtorët e saj rilindas….
