Një sulm i rëndë me thikë ndodhi sot në një stacion treni në Mynih. Pamjet pas masakrës janë të rënda. Njollat e gjakut kanë mbuluar vendin. Një person vdiq në spital, tre të tjerë janë plagosur. “Sulmuesi, një gjerman 27 vjeç, që u arrestua, ka bërë disa deklarata në momentin e sulmit që bën të mendohet për motive politike, islamike. Natyra e saktë e këtyre deklaratave është duke u verifikuar”, tha zëdhënësi i prokurorisë.
Sipas medias lokale që citojnë dëshmitarë, agresori ka bërtitur “Allah akbar”.
Nëse pista konfirmohet, atëherë bëhet fjalë për sulmin e tretë të këtij lloji në Gjermani që prej shtatorit.
Organizata Shteti Islamik (ISIS) kishte bërë thirrje në gusht të 2015 për kryerjen e sulmeve solitare me thikë në Gjermani, që deri tani nuk ka pësuar ndonjë sulm xhihadist të shkallës së gjerë
