Pakistani është një nga vendet islamike me numrin më të lartë të njerëzve në botë që shikojnë porno.
“Kjo nxjerr në pah një tipar të veçantë të kulturës sonë, ne jemi të ngazëllyer dhe kemi nevojë dëshpërimisht të kryejmë marrëdhënie seksuale, por Zoti ynë na e ndalon atë”.
Pikërisht kështu nis letra e hapur e Zahra Haider, në të njëzetat e saj, botuar në Vice, e cila theu tabu në marrëdhëniet seksuale para martesës, për gratë e Pakistanit.
Një histori e ndarë nga mijëra njerëz në internet.
Ajo i ndau lexuesit në dy pjesë, në ata që e vlerësuan guximin e saj dhe në ata që e kërcënuan me jetë dhe fyen për atë që bëri.
Çfarë ke mësuar rreth seksit para se të martoheshe?
Zara që nga viti 2012 jeton në Kanda, ka emigruar aty që në moshën 19 vjeçare. Përpara se të shkruante letrën e saj, ajo jetonte në Pakistan, në Islamabad. Përgjatë atyre viteve ajo ka pasur marrëdhënie seksuale me disa burra, meshkujt nuk e gjykonin për atë se çfarë ishte, në shoqërinë patriarkale, nëse zbulohet se një grua e shtresës së mesme, që i përket një familjeje të privilegjuar dhe ka marrëdhënie seksuale para martesës, ajo ka probleme shumë serioze.
“Më përpara kishte goditje me gurë, rrahje me kamzhik, krimi i nderit, ishte diçka normale dhe brenda normave, sot, gjërat kanë ndryshuar pak, por përsëri mbetet disi mentaliteti “fondamentalist””, shkruan ajo.
Zara tregon se kur kishte nevojë të kryente marrëdhënie seksuale ajo fshehej në një makinë me “xhama të errët” ose në disa raste të tjera kishte shkuar në hotel që kushtonte rreth 170 euro, për të rinjtë adoleshentë nuk ishte një shumë e pakët, por këto ishin alternativat e vetme.
Më pas, ajo tregon se kur prindërit lexuan një nga tregimet e mia, ata menjëherë shkuan dhe takuan djalin që unë isha në një lidhje. Halla imë është rrahur dhe gjakosur nga gjyshi im për të ruajtur nderin e familjes.
Ndërsa, tregon se me shkuarjen në Kanada, gjithçka ka ndryshuar.
Ajo kuptoi se në vendin e saj seksualiteti ishte shtypur. Flitet për masturbim, seks oral, të gjitha ato gjëra që në vendlindjen e saj ishin të ndaluara dhe tabu.
“Shumica e palestinezeve kanë marrëdhënie seksuale para martese, por kjo është një gjë që duhet mbajtur e fshehtë dhe nuk duhet të ekzistojë, ka edhe nga ata persona që bëjnë zgjidhje shumë të “çmendura”, ekstreme, marrin shumë kontraceptivë, sheh gra që u drejtohen aborteve ilegale”, shkruan ajo në letër.
Ndoshta- shkruan ajo- duhet ta marrim në konsideratë faktin se pakistanezët janë njerëzit më të fiksuar rreth seksit në botë, mirë është që ata të fillojnë të merren me këtë çështje për atë që është në të vërtetë, në vend që të etiketojnë si diçka të ndaluar, për të cilën nuk mund të flitet.
Unë nuk dua t’ia di se çfarë thonë të tjerët për mua
Ajo që dua është- përfundon letrën- ajo se çfarë unë jam sot, një grua 20 vjeçare, që ka përqafuar seksualitetin e saj dhe nuk i intereson më se çfarë mund të mendojnë të tjerët.
Mund të shpenzoj 150 euro për të bërë seks në një dhomë hoteli, pa pasur aspak frikë se prindërit e mi mund të vihen në dijeni.
Fjalët e shkruara nga Zara morën dhenë në Twitter dhe në facebook, u shpërndanë nga miliona profile, e ndau shoqërinë në pro dhe kundër.
Pati nga ata persona që e mbështetën, por edhe nga ata që e fyen dhe e kërcënuan.
Por mbi të gjitha, kjo histori tregon sot, kurajon e një vajzë që foli dhe shembull guximi i një të reje që vendosi për të thyer heshtjen për një temë të trajtuar deri më tani si tabu për shumë vende të botës.
