Një ditë pas emisionit Opinion ku u debatua për projektin e ri të stadiumit “Qemal Stafa” ka reaguar Kryeministri Edi Rama përmes një statusi në Facebook.
“Për qorrat që s’duan të hapin sytë, po hapin vetem gojën për të baltosur çdo ide, projekt, pune dhe tani i jane turrur Shtëpisë së Re të Kombetares, s’ka asnje ilaç!”. Kështu shkruan Kryeministri. Më tej thotë se “për të gjithe ata që duan të shohin se si do te ruhet fasada e “Qemal Stafes” (e vetmja gjë me vlerë në atë gërmadhe), ja projekt-ideja e integrimit të saj në zemren e Arenes Kombetare, ku do te jete edhe Muzeu i Kuqezinjve (fotoja bashëngjitur)”. “Dhe vertet s’kemi parë gjë akoma , sepse gjate zhvillimit te projektit nga ideja ne realitet, transformimi do te jete spektakolar. Pa asnje dyshim Arena Kombetare do te jete nje nga stadiumet me te bukur te Europes”, vijon ai. Gjatë mbrëmjes së djeshme në emisionin Opinion, gazetari sportiv, Dritan Shakohoxha tha se arkitekti i këtij ansambli është një arkitekt fashist. Ai ndërtoi një arkitekturë fashiste në qendër të Tiranës.
Sakaq, Gjergj Bojaxhi pjesë e panelit të Opinion tha se ishte kundra ndërtimit të një stadiumi në një formë të tillë. “Tirana ka një qendër muzeale, është për të ardhur keq që kemi sot kryeministrin që i shpalli monumente kulture, dhe sot bën një paëavure të tillë që nuk ka vlerë”, tha Bojaxhi.
*Foto e postuar nga Rama
