Është rritur numri i të vdekurve si pasojë e tërmetit që goditi javën e kaluar Ekuadorin, ka bërë të ditur presidenti i saj Rafael Correa.
Numri i të vdekurve ka shkuar në 646, pas tërmetit me magnitudë prej 7.8 shkallësh, raporton The Guardian. Ky cilësohet si tërmeti më i madh në shtatë dekadat e fundit në Ekuador.
Nga ky tërmet kanë mbetur të lënduar rreth 12,500 njerëz, kurse rreth 130 të tjerë janë zhdukur përgjatë bregdetit të Paqësorit.
Pas atij tërmeti të madh, ka pasur edhe disa dridhje më të vogla të tokës në Ekuador, në ditët në vazhdim.
Thuhet se tërmeti ka shkaktuar dëme materiale 2-3 miliardë dollarë./Express
