Një ngjarje e rëndë është denoncuar në Opinion.al e cila ka ndodhur në qytetin e Elbasanit.
Sipas denoncuesit, vetëm 300 m larg nga Komisariati i Policisë të qytetit të Elbasanit, një grua është shembur përdhe, në gjendje të fikti, i kishte ikur gjuha, qytetarët menjëherë kanë lajmëruar bluzat e bardha.
Nga i njëjti burim, bëhet me dije, se autoambulanca është vonuar mbi 40 minuta që nga koha e lajmërimit të saj.
Burimi thekson se mirë që autoambulanca erdhi me vonesë, por ajo nuk kishte asnjë bluzë të bardhë për të dhënë ndihmën e parë pacientit.
Por, historia nuk ka mbaruar me kaq.
Nga referimi i denoncuesit, mësohet se shoferi i autoambulancës kërkonte ndihmë që të afrohej dikush për të ngritur barrelën dhe të transportohej e sëmura drejt urgjencës së spitalit.
Kjo fotogarfi e shëndetësisë shqiptare nuk është pamja e vetme.
Qytetarë të ndryshëm janë bërë dëshmitarë të dhjetra rasteve të tilla të shkaktuara nga bluzat e bardha.
Edhe pse sot është koha e shëndetësisë falas…
