Nga Tritan Shehu
Prononcimi absurd i z.Rama, në cilësinë e Kryeministrit, ndaj nje prej kandidateve kryesorë për President të SHBA, me te drejte ka ngjallur shume reagime ne keto dite.
Une e përcolla me habi e shqetesim te madh ate, per vete inkoherencen e papershtatshmerine që përmbante.
Eshte pronocimi i pare i ketij lloji prej nje niveli te tille, ndermjet te gjitha vendeve demokratike e partnere me SHBA.
Do te ishte infantile te justifikohej kjo deklarate me “tejpamesine” e vetëm z.Rama per te parashikuar rezultatin e zgjedhjeve presidenciale aty, apo me “preferenca a principe” personale.
Eshtë një “gaf” i rëndë dëshira e Kryeministrit të Shqipërisë për t’u përfshirë në atë garë, veçanërisht me ato terma.
Termat e perdorura bien ndesh katerciperisht me realitetin amerikan.
Shqetesuese eshte ajo cka deklarohet per maredheniet midis dy vendeve.
Dicka thelbesore mos harrojme: maredheniet tona, si Shqiperi e shqiptare me ShBA jane te thella, te ngushta, te gjata ne kohe e do te jene vecse ne forcim ne te ardhmen.
Ato jane dhe do te jene konstante, pavaresisht se kush do te zgjidhet ne Shtepine e Bardhe, sepse e tille eshte dhe demokracia amerikane.
Ato ne keto vite te demokracise sone kane qene te FORTA, pavaresisht se kush ka fituar zgjedhjet ne Shqiperi.
Marrëdhëniet tona kanë qendruar e do të qëdrojnë të pacenueshme, edhe nga ndonjë “gafë” e krijuar në Tiranë siç ishte ajo me armët kimike, kjo e fundit, a tjetër.
Per keto duhet te jemi te sigurte, te qarte e racional, pa pasur nevoje te marim mbi vehte role “paternaliste” e iluzive, larg dimensioneve e interesave tona, larg realitetit.
