Të shumta janë njoftimet e policisë që raportojnë për përndjekje të femrave nga burra disa vite më të mëdhenj.
Edhe pse të pakta janë rastet e raportimit të tyre në organet kopetente, këtë herë, nga Komisariati i Policisë Mallakastër bëhet me dije se një vajzë e re, e moshës 25-vjeçare ka marrë guximin të denoncojë një burrë shumë herë më të madh se ajo, i cili e përndiqte këmba-këmbës.
Mënyra e bezdisjes ka qenë e tillë, sa vajzës me inicialet R.Xh., 69-vjeçari i ka shkaktuar edhe gjendje ankthi në mënyrë të vazhdueshme presioni i bërë nga i moshuari.
Mësohet se shtetasi D.Sh., 69 vjeçar është fqinj me vajzën e re, të dy banues në fshatin Mizë, e kështu atij i ishte fiksuar të përndiqte vajzën duke i kërkuar të kishin marrëdhënie intime.
Policia i ka referuar materialet në Prokurorinë e Rrethit Gjyqësor Lushnjë, për akuzën e përndjekjes./Panorama
