Pasiguria në punë, për shkak të mungesës së kontratës është një problem i madh në Shqipëri.
Por rasti i shkarkimit nga puna i 10 punonjësve të Spitalit Rajonal në Gjirokastër përbën një rast unik.
Drejtori, Krenar Kulla ka mbledhur rreth 40 punonjës dhe ka hedhur short me letër ku në 10 prej tyre ishte shkruar “Largohu” dhe në 30 të tjera “Qëndro”.
Ziliha Vococ është një ish-punonjëse që tërhoqi letrën ku shkruhej “Largohu”.
Ajo ka punuar si sanitare për 27 vjet në spitalin rajonal “Omer Nishani”.
Vococ denoncoi rastin për “Fiksa Fare” dhe thotë se “nuk kishim guxim ta kundërshtonim shorteun, asnjëra nga punonjëset e pranishme nuk foli”.
Sot është në hall, pasi ishte e vetmja që sillte një rrogë në familje, ka dy djem pa punë, bashkëshortin pa pune dhe një kredi për të larë.
Vetë ish-sanitarja e spitalit të Gjirokastrës shkon në zyrën e drejtorit të spitalit, Krenar Kulla.
Në bisedë me të, drejtori e pranon se është organizuar një short dhe se ishte në hall së kishte tre muaj që e zvarriste këtë punë, se nuk dintë kë të hiqte e ke të mbante.
Kur bashkëshorti i ish-sanitares i kërkon drejtorit që t’ia shpjegojë edhe një herë si e bëri shortin, drejtori i përgjigjet se bashkëshortja e tij e di shumë mirë.
http://www.dailymotion.com/video/x41z659_skandali-ne-spitalin-e-gjirokastres_news
