Gjykata e Durrësit vendosi masën e sigurisë arrest me burg për kujdestaren 44-vjeçare të Shtëpisë së Fëmijës në Durrës, Dafina Fama.
Me kërkesë të Prokurorisë, gjykatësi Rexhep Bekteshi vendosi vlerësimin e ligjshëm të ndalimit të 44-vjeçares dhe gjykim të drejtpërdrejtë të saj.
Ndërsa avokatja mbrojtëse e Dafina Famës, kërkoi që të konsiderohet i paligjshëm ndalimi i klientes së saj, por kërkesa u hodh poshtë.
Avokatja është përpjekur ta mbrojë duke thënë se ngjarja ka qenë aksidentale, pasi fëmija ka rrëshqitur në tualet. Sakaq avokatja ka thënë se klientja e saj ndodhet në maternitet pasi është shtatzënë. Ajo gjithashtu pretendoi se ngjarja i ka shkaktuar edhe probleme fizike e psikologjike.
Sipas avokates, kujdestarja është në gjendje depresive që në momentin që mësoi se është në ndjekje penale.
Pala mbrojtëse paraqiti në gjykatë kartelën shëndetësore, prova të cilat u administruan gjatë seancës gjyqësore.
Ka qenë emisioni investigativ “Stop” në TV Klan që pasqyroi ngjarjen e rëndë dhe shenjat e dhunës në fytyrën e të miturit.
*Në foto: Dafina Fama e shtruar në spital
*Më poshtë video e “Stop”
