Miliona dokumente të publikuara nga “Panama paperes” dhe të botuara në mediat ndërkombëtare, akuzojnë liderë botërorë, funksionarë të inteligjencës dhe kriminelë, se kanë drejtuar një skemë të madhe parash drejt parajsave fiskale siç quhet ndryshe.
Mes emrave të luksit”, janë persona që ndodhën pranë presidentit Vladimir Putin, familjarë të liderit kinez Xi Jinping, të presidentit ukrainas Poroshenko, të kryeministrit të Islandës dhe Pakistanit.
Në dokumentet e skandalit figurojnë edhe futbollisti i Barcelonës Lionel Mesi, ish-ylli i Juventusit dhe drejtuesi aktual i pezulluar i UEFA-s, Mishel Platini, aktori Jackie Chan dhe mbreti i Marokut, Mohamed VI dhe ai i Arabisë Saudite, Salman: këta të fundit, janë ndihmuar nga shoqëria “Mossack Fonseca” në blerjen e jahteve luksozë.
Mes emrave të njohur, është edhe ai i babait të kryeministrit britanik, David Cameron, i vdekur në vitin 2010 dhe drejtues sportivë amerikanojugorë të përfshirë në skandalin e FIFA-s, si ish-zëvendëspreidenti i futbollit botëror, Eugenio Figueredo dhe i biri i tij, Hugo, përveç uruguaianit Pedro Damiani i Komitetit Etik të FIFA-s.
Rreth 11.5 milionë dokumente nga një zyrë juridike nga Panamaja “Mossack Fonseca” tregojnë se si kjo kompani ndihmon klientët e vet që t’i shmangen taksave dhe të pastrojnë para’.
Mbi të paktën 23 klientë të “Mossack Fonseca” rëndojnë akuza se kanë mbështetur regjimet diktatoriale në Korenë e Veriut, Zimbabve, Iran, Siri dhe Rusi.
Kjo firmë juridike është themeluar në vitin 1977 nga Jurgen Mossack dhe Ramon Fonseca. Ajo operon në vende të njohura me sistem të ulët taksimi përfshirë Zvicrën e Qipron.
