Leicester nuk ka ndërmend të ndalet dhe, pas fitores 1-0 ndaj Southampton, ajo që është konsideruar nga të gjithë si një përrallë, është
shumë afër të kthehet në realitet. “Dhelprat”, në fakt, kanë arritur të përfitojnë nga barazimi i regjistruar dje nga Tottenham kundër
Liverpool, duke çuar diferencat me vendin e dytë në shtatë pikë, kur kanë mbetur edhe gjashtë ndeshje nga fundi i kampionatit. Kryesuesit
e Premier League kanë regjistruar fitoren e katërt radhazi në kampionat, të pestën në gjashtë ndeshjet e fundit ku nuk kanë pësuar asnjë
humbje.
Skuadra e Ranierit e ka filluar mirë pjesën e parë, duke dominuar takimin për 25 minutat fillestare, para se Southampton të dilte në lojën e
vet. Mane ka pasur rastin më të mirë për miqtë, por ndërhyrja e mbrojtësit Simpson ka larguar rrezikun për “Dhelprat”, para se Schmeichel
të devijonte në goditje nga këndi një goditje kërcënuese të Fontes. Shtatë minuta para mbylljes së pjesës së parë ka ardhur goli i
avantazhit për Leicester, që është realizuar nga kapiteni Morgan, i cili nuk shënonte prej 35 ndeshjesh të luajtura në Premier League.
Në pjesën e dytë vendasit janë tërhequr në mbrojtje dhe janë munduar të godasin me kundërsulm. Në minutën e 59të portieri i
Southampton, Forster, ka bërë një pritje të shkëlqyer, duke shmangur një autogol nga ana e mbrojtësit Fonte. Në minutën e 71të, pas një
kombinimi të bukur të Drinkëater me Vardy, Leciester ka pasur rastin të mbyllë ndeshjen, por Simpson, i cili është nxjerrë i vetëm para
portës nga sulmuesi i “Dhelprave”, ka goditur në qendër të kuadratit, duke i dhënë mundësinë portierit mik të shmangë një gol, që është
dukur i sigurt. Pavarësisht këtij gabimi, Leicester ka arritur të mbrojë avantazhin deri në fund, duke hedhur një tjetër hap të rëndësishëm drejt realizimit të ëndrrës.
Leicester-Southampton 1-0
Shënues: Morgan 38’
Leicester: Schmeichel, Simpson, Morgan, Huth, Fuchs, Mahrez (Gray 79’), Drinkëater, Kante, Albrighton (Dyer 90′), Vardy, Okazaki (Ulloa 64’). Trajner: Ranieri.
Southampton: Forster, Van Dijk, Fonte, Bertrand, Soares, Ëanyama, Clasie (Austin 75’), Targett (Tadic 46’), Davis (Ward Prowse 73’), Mane, Pelle. Trajner:
Gjyqtar: Oliver
Kartonë të verdhë: Drinkëater, Fuchs/Wanyama, Tadic
