Presidenti i Republikes Bujar Nishani i kthen per rishqyrtimi Kuvendit ndryshimet ne ligjin per mediat audiovizive qe ka miratuar me 10 mars te ketij viti.
Kreu i Shtetit jep tre argumente qe sipas tij ky ligj bie ndesh me Kushtetuten dhe parimet baze te funksionimit te shtetit te se drejtes.
Se pari; Presidenti i Republikes rikthen ne vemendje progress- raportin e vitit 2015 ku theksohet si domosdoshmeri zgjedhja sa me pare e Drejtorit të RTSH-së, por edhe pavarësia e RTSH-se qe mund te ndikohet nga nje drejtor politik qe nuk eshte produkt i kompromisit mes anetareve te Keshilli Drejtues te Radiotelevizionit Shqiptar.
Per te garantuar ndalimin e censures paraprake të mjeteve të komunkimit dhe arritjen e nje objektivi te lirisë së medias dhe pavarësisë së RTSH-së, u dakordësua mes forcave politike në vitin 2013 që zgjedhja e një zyrtari të tillë të bëhej me 2/3 e votave të bordit drejtues- thote Kreu I Shtetit. Per kete së fundi eshte rene dakord edhe mes raporterit Fleckenstein dhe deputetëve të tjerë në Komisionin e Punëve të Jashtme të Parlamentit Europian, ku kërkohet që Drejtori i RTSH-së të jetë konsensual.
Nderkohe qe zgjidhja e gjetur përmes ligjit te ri jashtë çdo konsensusi mes forcave politike sipas Kreut te Shtetit duket se dëmton rëndë lirinë dhe pavarësinë e medias të garantuar me Kushtetutë dhe të kërkuar me forcë nga faktori ndërkombëtar.
Respektimi i konsensusit është garant i stabilitetit, ndërsa thyerja e këtij konsensusi në mënyrë të njëanshme dhe të papritur dëmton rëndë themelet e Shtetit dhe nxit destabilizim, ve ne dukje Presidenti.
Argumenti i dyte i Kreut te Shtetit ka te beje me faktin qe nderkohe që për emërimin e Drejtorit të Përgjithshëm të RTSH-së është parashikuar një shumicë 3/5 apo edhe shumicë të thjeshtë, lirimi i Drejtorit bëhet me 2/3 e votave të të gjithë anëtarëve të KDRTSH-së.
Sipas Predientit ky ndryshim ligjor kërkon realizimin e nje qellimi te momentit për përzgjedhjen e kandidatit që nuk po arrin të marrë 2/3 e votave të anëtarëve të Keshillit Drejtues te Radiotelevizionit Shqiptar dhe më pas të garantojë qëndrimin e tij në atë detyrë.
Së treti; ligjit i eshte dhene fuqi praprapavepruese. Pra rregullat e reja të përcaktuara për zgjedhjen e Drejtorit të Përgjithshëm të RTSH-së do të fillojnë të zbatohen edhe për zgjedhjet që janë duke u zhvilluar në momentin e hyrjes në fuqi të ligjit.
Presidenti ve ne dukje se ndërkohë që procesi i deritanishëm është zhvilluar sipas ligjit ekzistues, ku kandidatët kanë dështuar të marrin 2/3 e votave të anëtarëve të KDRTSH-së, legjislatori i pranon të mirëqena tre raundet në të cilat nuk është arritur kuorumi i kërkuar referuar ligjit të mëparshëm dhe kalon menjëherë në raundin e katërt, duke kërkuar të aplikohen rregullat e reja ku kërkohet një shumicë e thjeshtë nga bordi dhe qartazi nxjerr të fituar kandidatin e parapëlqyer nga supermazoranca politike, i cili vazhdon të jetë në garë.
Kreu i Shtetit shprehet se ndalimi i fuqise prapavepruese te ligjit eshte element perberes i parimit te sigurise juridike. /ABCNEWS
