“Një aferë skandaloze zbulon mekanizmin se si Edi Rama dhe qeveria e tij ndajnë paratë e shqiptarëve me miqtë e tyre”. Kështu u shpreh sot Grida Duma nga selia e PD-së.
Janë dhënë 9 miliardë e 720 milionë lekë firmës ndërtuese për të bërë më pak se një kilometër, saktësisht 950 metra rrugë në aksin Lin të Pogradecit.
Sipas Dumës, ky tender ka dhe paligjshmëri të tjera, si fakti që mungon mbikqyrësi i këtyre punimeve. Një kërkesë kjo e ligjit, dhe ende nuk ka një mbikqyrës të shpallur zyrtarisht nga autoriteti rrugor, të dhëna këto që mungojnë edhe në tabelën e objektit, siç mund ta dalloni edhe në foton në ekran.
Qeveria me kontratën e lidhur me 2 shkurt ka favorizuar firmën PE-VLA-KU, dhe nga dokumentacioni shihet se ky ndërtues ka marrë 99 përqind të fondit limit.
“9 milionë e gjysëm dollarë për 950 metra rrugë kanë shkuar drejt e tek miku i qeverisë, pa garë”, tha më tej Gruda Duma.
Pikëpyetja që ngrihet është:
Cila është pjesa e Edi Ramës në këtë aferë?
