Një arratisje spektakolare midis lagjeve dhe pallateve, e cila në fund i ka dorëzuar në qeli.
Ka qenë kjo nata e pafat e dy hajdutëve shqiptarë në Itali, të cilët të surprizuar nga të zotët e shtëpisë, ndërsa kishin vjedhur një rolex dhe dhjetë mijë euro, nuk kanë mundur ti shijojnë sendet, pasi janë pikasur nga karabinierët.
Dy shqiptarë të moshës 24 dhe 28 vjeç, kanë përfunduar në pranga e karabinierëve të Radiomobile në Bergamo, pas një ndjekje, të gjatë këmba-këmbës midis fushave, çative, shkallëve, dhe tualeteve private të përdoruara si rifuxho.
Mbrëmjen e së enjtes së 25 marsit dyshja e hajdutëve u zu mat në një apartament në rrugën Dante Alighieri, në Torre De Roveri, ku sapo kishin vendosur në duar tre ora, midis të cilave një Rolex, xhevahire floriri dhe një varëse argjendi të zonjës së shtëpisë, një grua 38 vjeç.
Të zënë mat nga vëllai i bashkëshortit të gruas, ata e kanë kërcënuar me një kacavidë me qëllim që tu hapte rrugën.
Të pakënaqur, edhe pse u vu ndez alarmi, dy hajdutët, u transferuan në Albano Sant Alessandro, ku karabinierët i kapën ndërsa po përpiqeshin të futeshin në dy banesa të tjera.
Në këtë pikë, vazhdoi ndjekja në këmbë me dy shqiptarët që kapërcyen gardhet e kopështeve me qëllim për tju shmangur karabinierëve.
Njëri u bllokua menjëherë. Ndërsa bashkëpunëtori, u fut në një pallat, nëpërmjet një dritare dhe u fsheh në banjën e shtëpisë.
Në fund iu desh të dorëzohej edhe atij. Tani janë në qeli me akuzën e grabitjes dhe tentativës për grabitje të rënduar.
