Ish-kryeministri Sali Berisha ka publikuar mesazhin e tij të radhës nga “qytetari dixhital”, duke denoncuar mbjelljen e drogës në Tepelenë.
Berisha shkruan në profilin personal në facebook se vijon mbjellja masive e “mallit” në kryeqytetin europian të kanabisit Tepelenë dhe prerja e pyjeve duke zëvendësuar drunjtë me rrënjë kanabisi!
Mesazhi i plotë:
“Pershendetje Zoti Berisha, unë që po ju shkruaj jam një qytetar që doja t’ju informoja se në rrethin e Tepelenës, në rrethinat e saj si në Kamcisht, Krahes, Dorez, Matosanaj po bëhet kërdia duke prerë pemet dhe duke hapur gropa per të mbjellë hashash. Cdo gjë që bëhet është në dijeni të krereve të policisë dhe inspektorëve te fshatrave pasi ata marrin pjesën e tyre nga kjo fushatë hashashi që ka kohë që po lulëzon në Tepelenë.
Këto që të them janë te verteta dhe nuk janë genjeshtra. Korrupsioni dhe masakra e pyjeve po vazhdon cdo ditë.
Po vijnë nga Greqia njerez që punojnë andej për të mbjellë hashash. Si ka mundësi qe policia e Saimir Tahirit, se kështu i bie t’i them, se i kanë berë si ndërmarrje të tyre këto struktura, nuk ndërhyjn për të bërë një kontroll rutinë por e kanë lenë Tepelenen në dorë të mafiozëve që perfitojnë miliona euro.
Ç’po bëhet kështu në Shqiperinë tonë, ku dominojne kriminelët? Kam besim të plote që ju do e ngrini zërin për këtë gjë. Me respekt një qytetar qe beson tek ju.”
