Policia ka zbuluar një arsenal municionesh, armë dhe sasi droge.
Burime të Policisë bëjnë të ditur se nga ana e Seksionit për Narkotikët dhe Trafiqet në Drejtorinë Vendore të Policisë Berat, u finalizua me sukses operacioni i koduar “Shpiragu”.
Në kuadër të këtij aksioni u bë i mundur arrestimi në flagrancë i shtetasit, Mynyr Nuhu, 52 vjeç, banues në fshatin Mjeshovë, Berat.
Arrestimi ndaj këtij shtetasi u bë pasi gjatë kontrollit të ushtruar në banesën e tij në fshatin Mjeshovë, iu gjetën dhe sekuestruan në cilësinë e provave materiale: 7.5 kg lëndë narkotike marijuanë, 23 bimë narkotike kanabis sativa, të mbjella në kubik, 1 automatik, model 56, kalibër 7.62 mm,6 arka municioni me 4500 fishekë, 1 krehër automatik me 25 fishekë.
Burime të Policisë bëjnë të ditur se shtetasi 52 vjeçar, ishte nën vëzhgimin e Policisë gjatë një kohe të gjatë.
