Kjo fotografi është shpërndarë me mijëra herë gjatë ditës së djeshme në të gjitha mediat në mbarë botën, duke u kthyer në foto “hit” të tragjedisë. Por kush është fotografja e guximshe që bëri fotot në atë lloj katrahure?
Ajo është korrespondentja e TV publik gjeorgjian Ketevan Kardava, 56 vjeç.
Gazetarja ka rrëfyer se është gjendur në aeroport kur ka dëgjuar shpërthimet dhe e vetmja gjë që i ka ardhur ndërmend të bëjë në ato momente, ishte të nxirrte aparatin dhe të fotografonte gjithçka, në pamundësi për t’i ndihmuar realisht.
“Nuk isha në gjendje t’i ndihmoja. Të gjithë ishin të mbuluar në gjak. Ato humbën këmbët e tyre”, thotë gazetarja, ndërsa pohon se kërkoi më pas ndihmë nga ushtarët të cilët e dërguan në një vend të sigurt.
