Prokurorët belgë zbuluan, një prej bashkëpunëtorëve të afërt të Salah Abdeslamit, të kërkuarit kryesor për sulmet e Parisit, që u arrestua të premten në Molenbek të Brukselit.
Ai quhet,Najim Laachraoui, 24-vjeç dhe është ende në arrati. ADN-ja iu zbulua në shtëpitë, ku u strehua grupi i xhihadistëve. Në muajin shtator, sipas prokurorisë belge, 26- vjeçari Salah Abdeslam kishte udhëtuar dy herë në Budapest i shoqëruar nga dy persona, me dokumente false me emrat Samir Buzid dhe Sufiane Kajal. Ky i fundit ishte identiteti i rremë i Nazhim Lakroui.
Ndërsa Samir Buzid u vra me snajper në nje apartament, në periferi të Brukselit më 15 Mars.
Ndërkohë avokati i Salah Abdeslam, Sven Mary kundërshtoi raportimet në media, sipas të cilave “26 vjeçarit do të jepte informata në këmbim të një trajtimi të zbutur përpara drejtësisë”.
Gazeta prestigjoze “New York Times” ka publikuar pjesë të një të një raporti prej 55 faqesh të Ministrisë së Brendshme Franceze, sipas të cilit, Shteti Islamik ka sofistikuar teknikat për të krijuar bombat artizanale dhe jelekë me eksploziv, për të përdorur telefonat e thjeshte, ku nuk memorizohej asnjë email apo bisede si dhe ka avancuar metodat për zbërthimin e mesazheve të koduar.
Tv Klan
