TIRANE- Ashtu siç mund të mendohej konflikti për një mashkull ka shtyrë Françeska Jaçen e Big Brother të rrahë një vajzë që më parë e ka pasur shoqe. Françeska është zhdukur pas incidentit në një dyqan në zonën e Bllokut dhe policia e ka shpallur në ekran vajzën që është shfaqur edhe si modele, por që më shumë mbahet mend si banorja e Big Brother.
*Në foto Franceska dhe Katerina
Vajza e dëmtuar, 28 vjeçarja Katerina Beqo, me të cilën më parë Françeska ka pasur miqësi të ngushtë ka dhënë deklarimet në Komisariatin nr.2. Katerina Beqo mësohet se ka thënë se incidenti me Françeskën ka ndodhur për motive xhelozie. Ajo ka shpjeguar se deri para disa muajsh vajzat kanë qenë shoqe bashkë, por miqësia e tyre u prish, sipas saj, për faj të Françeskës dhe momentalisht nuk takoheshin më.
Ndërsa mbrëmjen e së martës kanë rastisur në të njëjtin dyqan tek rruga “Nikolla Tupe”, në zonën e Bllokut, ku kanë nisur të shkëmbejnë batuta me ironi në drejtim të njëra-tjetrës.
Katerina Beqo ka thënë se Françeska kishte pirë disa gota alkool deri në atë moment, është nxehur nga frazat ironike dhe i është drejtuar asaj duke e goditur me grushte në fytyrë e në kokë. Ajo ka vazhduar, deri sa kanë ndërhyrë miqtë e tyre të përbashkët për t’i ndarë.
Kamerat e sigurisë kanë filmuar ngjarjen. Ja ku e keni videon e sherrit.
