TIRANE- Tiranë është zgjeruar por rrjeti elektrik kishte mbetur i njëjtë duke shkaktuar jo pak probleme për zonën e Selitës, lagjen si njihet si Kodra e Diellit, apo pallatet tek Kopshti Botanik. OSHEE po investon për rrjetin eletrik të kësaj zone plot 250 milionë lekë.
Sot ishte, ministri i Energjisë, Damian Gjiknuri dhe administratori i OSHEE-së, Adrian Çela që inspektuan këtë investim.
Me këto para do të ndërtohet fidri i ri, do të shtrohet 25 kilometërlinjë të tensionit të mesëm 20 kV dhe tensionit të ulët ABC. Gjithashtu do të ndërtohen 14 kabina të reja ndërsa rreth 30 të tjera do të transferohen nga tensioni 10 kV në atë 20 kv. Projekti parashikon edhe montimin e mbi 200 shtyllave që do të fuqizojnë rrjetin e shpërndarjes. Në këtë zonë llogariten rreth 4 500 abonentë ose afro 20 mijë banorë që përfitojnë një shërbim më cilësor me energji në sajë të këtij investimi. /Opinion.al
