Poliklinika e Specialiteteve në Durrës është vjedhur dhe dëmtuar. Mësohet se ngjarja e rëndë të ketë ndodhur gjatë orëve të natës.
Persona të paidentifikuar pasi kanë thyer xhamat e katit të parë të poliklinikës, kanë hyrë brenda dhe kanë grabitur më pas disa kompjuterë.
Bëhet e ditur se këta të fundit kanë dëmtuar edhe zyrat e mjekëve në katin e dytë të godinës.
Ndërkohë, policia njofton se ka nisur hetimet për ngjarjen dhe po punon për identifikimin dhe kapjen e autorëve.
