Oscars ka shanse të mëdha ta nxjerrë fitues filmin “Shok”, ky i fundit dhe katër filmat tjerë që janë nominuar për kategorinë Short Film Live Action në nominimet e The Oscars do të shfaqen para publikut në Nju Jork.
“Shok” është filmi i parë kosovar që hyn në Oscar, në kategorinë e filmit më të mirë të shkurtër, Short Film Live Action.
Nga ekipi i filmit thuhet se filmi është në mesin e pesë filmave më të klikuar në kategorinë e filmave të shkurtër në i Tunes, në listë me filma të tjerë si “Lava”, “Frozen Fever”, “Toy Story” etj.
Çmimet që janë në vitin e 88-të, janë të ngarkuara nga debate politike dhe pasiguri, saqë i ngjajnë debateve zgjedhore.
Masat e sigurisë janë veçanërisht të rrepta, pasi nënpresidenti Joe Biden do të marrë pjesë për të bërë një prezantim të veçantë me këngëtaren Lady Gaga, me një mesazh kundër dhunës seksuale.
Megjithë debatet që shoqërojnë ceremoninë këtë vit, për audiencat shqiptare ajo do të mbahet mend si nata kur për here të pare një film nga Kosova, del para jurisë prestigjioze në kategorinë e filmit me metrazh të shkurtër.
