TIRANE- Një ditë pas protestës së opozitës kundër parkut tek Liqeni Artificial, policia ka akuzuar disa persona si përgjegjës për shkatërrimin e mjeteve në park. Policia akuzon edhe sekretarin organizativ të PD, Enno Bozdon i cili kishte marrë lejen për protestën. Sakaq dy prej protestuesve janë arrestuar dhe disa të tjerë janë shpallur në kërkim.
Njoftimi i policisë
Protestuesit u konfrontuan me Punonjësit e Policisë Bashkiake dhe të Policisë së Shtetit duke i kundërshtuar fizikisht, më pas duke bërë thirje për veprime te dhunshme.
Protestuesit filluan të dëmtonin rrethimin e objektit në ndërtim si dhe kanë dëmtuar mjetet që ndodheshin në brendësi të objektit, mjete këto në pronësi të firmës “Kasel”.
Nga ana e Policisë së Tiranës është arritur të bëhet identifikimi i personave përgjegjes ku u bë ndalimi i shtetasve:
Petrit Fejzullai, 48 vjeç, banues në Tiranë.
Hasan Molla, 50 vjeç, banues në Tiranë.
Njëkohësisht u referuan materialet në Prokurorinë e Rrethit Gjyqësor Tiranë për shtetasit:
• Enno Bozdo, 43 vjeç, banues në Tiranë, si pergjegjes per mbarevajtjen e protestes
• , 37 vjeçe, banues në Tiranë
• Ergys Harkanaj, 39 vjeç, banues në Tiranë
Si dhe u shpallën në kërkim dhe po punohet për kapjen e shtetasve:
•G. Gj., 28 vjeç, banues në Tiranë
•N. B., 49 vjeç, banues në Tiranë
•F. D., 21 vjeç, banues në Tiranë
•S. Rr., 28 vjeç, banues në Tiranë
• Xh. D., 72 vjeç, banues në Tiranë
• I. H., 26 vjeç, banues në Tiranë
Materialet proceduriale i kaluan Prokurorisë së Rrethit Gjyqësor Tiranë për veprat penale “Shkatërrim Prone”, patashikuar nga neni 150 i Kodit Penal, ” Thirrje publike për veprime të dhunshme”, parashikuar nga neni 223 i Kodit Penal si dhe ” Kundërshtimi i punonjësit të policisë së rendit publik”, parashikuar nga neni 236 i Kodit Penal.
