“Këtu ke frikë të kërkosh punë. Janë futur të gjithë në fushatë për mbledhur sa më shumë njerëz për mitingjet e Ramës. Më vjen për të qeshur se janë bërë ministrat qesharakë. Dalin e thonë gjëra që nuk i besojnë”.
Kështu shprehet deputeti socialist Ben Blushi kur u pyet gjatë një interviste nga gazetari Ilir Babarmo, për performancën e ministrave socialist.
Ai gjithashtu i ktheu edhe një përgjigje Bashkim Finos, i cili kishte kritikuar Blushin dhe kishte dalë pro Ramës.
“Unë nuk kam bërë asnjë konsultë me Finon. Të gjithë këta kështu thonë kur duan të sulmojnë: E kam mik. Por këta vuajnë nga komplekse. Më tha mua pse nuk shqetësohesh se statuti zbatohet për zgjedhjet e delegatëve dhe shqetësohesh se statuti nuk zbatohet për zgjedhjen e kryetarit. Kjo nuk qëndron”, tha Blushi në Report Tv.
