Një shkëmbim batutuash mund të konsiderohet dialogu mes Kryeministrit Rama dhe atij serb Aleksandër Vuçiç, gjatë Samitit të Berzhit në Londër. Gjatë fjalës së tij Rama u shpreh se BE-ja ka më shumë simpati për Serbinë sesa për Shqipërinë dhe Kosovën, duke pohuar se shkak i hapjes së negociatave për Serbinë është ndikimi i faktorit rus.
Në fjalën e tij, Vuçiç nuk e ka lejuar këtë fjali t’i shkojë pa përgjigje, kur u shpreh se nuk e dinte që në Shqipëri ka nisur fushata elektorale, ashtu si në Serbi, duke i konsideruar këto fjalë të Ramës, thjesht si një deklaratë për të fituar simpati në vendin e tij.
