Anetarja e Keshilit Bashkiak ka reaguar sot pas ngjarjeve tek liqeni!
Nga Klodiana Shala –
Nderkohe që qytetarët protestojnë për të drejtën e tyre absolute për diçka e cila iu përket, policia e shtetit nuk harron të tregojë fytyrën e saj të vërtetë. Dhuna që u ushtrua ndaj një femre ishte akti më i ulët i këtij pushteti policor, i cili tashmë ka kaluar përtej çdo parashikimi të mundshëm. Them fytyra e vërtetë e shtetit pasi ky nuk është thjesht një akt I bërë nga një oficer I policisë, por është një model, të cilin kjo qeveri e servir si model të suksesit tek qytetarët e këtij vendi. Personalisht e cilësoj si modelin më të ulët të arrogancës policore.
U qëllua një grua, nëna e dikujt apo motra e dikujt tjetër, nuk ka rëndësi. Aty mund të isha unë, mund të ishte dikush tjetër. I rëndësishëm është fakti se sot, ata të cilët kanë detyrim ligjor të mbrojnë një femër nga dhuna, bëhen vetë modeli i dhunës ndaj një femre. Një shtet i tërë i cili sulet egërsisht kundër njerëzve të ndershëm të këtij vendi, vetëm sepse ata po ndalojnë që interesa korruptive të pushtetit të gllabërojnë hapësirat publike, të cilat janë pjesë e jona.
Si femër e dënoj ashpër këtë akt të turpshëm dhe këtu besoj se gjej mbështetjen e të gjitha grave dhe vajzave të cilat e shohin dhunën ndaj femrës si aktin më të ulët që mund të ndodhë ndonjëherë. Mendoj dhe besoj se bie burrëria e një mashkulli, në momentin që ai ngre dorën mbi një femër. Por ndërkohë, sot ka rënë dhe morali i kësaj qeverie kriminelash, të cilat prej kohësh kanë një luftë të hapur me qytetarët e thjeshtë të këtij vendi.
Kush kujtojnë se janë këta për të ushtruar dhunë publike ndaj femrave? Çfarë modeli përcjell kjo polici e Tahirit për qytetarët?
Përcjell modelin e dhunës… dhunë për të gjithë ata që nuk i binden kësaj qeverie… dhunë për të gjithë ata që protestojnë për të drejtat e tyre… dhunë për të gjithë ata që protestojnë për të ardhmen e fëmijëve të tyre… dhunë dhe vetëm dhunë nga shteti policor i Ramës dhe Tahirit.
Po nuk mund ta dinë këta njerëz se një femër del në protestë vetëm atëhere kur ajo ka një arsye të fortë. Nuk e dinë këta se kjo qënie humane që krijon një jetë del aty për të mbrojtur atë jetë…. Jetën e fëmijës së saj… familjes së saj. Jeta jonë është oksigjeni i atij parku, pasi është i vetmi vend ku ne mund të gjejmë sadopak qetësi shpirtërore, pas një dite të ngarkuar në një qytet kaotik si Tirana me betonizimin që i bëri vetë kryeministri i sotëm kur ishte kryetari i Bashkisë.
Nuk dimë asgjë sepse mendja e këtij pushteti, i cili përdor forcën oër të ndalur fjalën e lirë, punon vetëm për të përfituar nga pasuritë që na ka falur natyra. Mendon së si mund të vjedhë xhepat e qytetarëve duke i varfëruar ata përditë dhe duke i bërë të duken edhe më të pafuqishëm përballë oligarkisë. Sot ndihem më tëpër se e irrituar nga këta monstra që po përdhosin përditë e më tepër dinjitetin e kombit shqiptar dhe besoj fort se kjo qeveri, me skena të tilla të ulëta i ka ditët e numëruara.
Shqiptari nuk e ka zakon t’i përulet askujt, kushdo qoftë ai.
Shqiptarët do t’i japin një leksion të madh qeverisë, sepse kjo qeveri ato 1 milion shuplakat që ia dedikonte opozitës, sot po ia dedikon qytetarëve.
QEVERIA E TURPIT!
