Kjo është java e tretë që mazhoranca dhe opozita jane te përfshira në debat për Byronë Kombëtare të Hetimit.
Por çfarë synoi Basha me aksionin e tij këmbëngulës për miratimin e një drafti konsensual, per te cilin tashme pasi u miratua nga qeveria thote se nuk është ai për të cilin kishin rënë dakord?
Byroja Kombëtare e Hetimit, premtimi elektoral i Kryeministrit Rama në 2013-ën ka një histori të gjatë e të vështirë.
Fillimisht u tentua të përfshihej në Kodin e Penal dhe më pas qeveria u tërhoq për shkak të vërejtjeve të ekspertëve të huaj, por arriti të kalonte në Parlement në vitin 2014, në kuadër të ndryshimeve që iu bënë ligjit për Policinë e Shtetit.
Varësia e saj ishte direkt tek Ministri i Brendshëm dhe Partia Demokratike fitoi në Gjykatë Kushtetuese, duke e shfuqizuar kapitullin e Byrosë nga ligji.
Në fillim të vjeshtës që shkoi në bashkëpunim me ekspertët amerikanë qeveria, por dhe Partia Demokratike zhvilluan negociata larg syve të publikut dhe vetëm në janar të 2016-ës kryetari i opozitës, Lulzim Basha zbuloi se që prej tetorit ka një draft gati dhe që gëzon votat e demokratëve, por Kryeministri Rama e bllokon.
Java kaloi pa një përgjigje për fatin e draftit nga Ministri i Brendshëm dhe Kryeministri.
Ndërsa Sali Berisha bënte diversionin me pozicionin kundër që Ministri i Drejtësisë thuhej se kishte mbajtur në qeveri ndaj draftit. Asnjë detaj më shumë, veç faktit se Berisha pohoi se Manjani dhe ai mendonin njësoj.
Sfida e kryetarit të opozitës përsëritet javën që pasoi dhe në artikulimin e tij krahas deklaratës për produktin e përbashkët për Byronë përfshin për referim edhe mendimin e Venecias, ku rekomandohet varësia nën Prokurori. Ai kërkon kalimin e ligjit me procedurë të përshpejtuar.
Nga salla plenare Kryeministri Rama deklaron se do të pritet që gjithçka të përmbyllet sipas mendimit përfunddimtar të Venecias për reformën në drejtësi.
Të nesërmen, e premte, data 5 shkurt, Lulzim Basha pohon se varësia e Byrosë sipas draftit konsensual është prokurori dhe polici gjyqësore, e cila punon për llogari të hetimit. Për herë të parë flet për nevojën e implentimit të mendimit të Venecias, parashikimi në paragrafin 90 të tij.
Por sërish kërkon nxitim dhe pranon kalimin e nismë përmes komisionit të reformës në drejtësi.
Në darkë nga njësia e koordinimit Rama-Meta, përgjigja ishte negative.
Java e re nisi me vizitën e europarlanentarëve Kukan dhe Flekenshtaj, që theksuan fokusin e tyre tek reforma në drejtësi.
E marta u dominua nga 180 minuta takime të veçanta të ambasadorëve Lu e Vlahutin fillimisht me Berishën e Bashën dhe më pas me socialistin Fatmir Xhafa.
E mërkura solli miratimin e Byrosë Kombëtare të Hetimit, siç duket, sipas të vetmit draft që ekziston.
Lulzim Basha lajmin e mësoi përmes medias, ndërsa po hynte në mbledhje me deputetët. U rezervua ta paragjykonte, ndërsa nuk e kishte lexuar, por artikuloi qartë se akordin e tyre e japin vetëm nëse ai është sipas Venecias.
Në një prononcim më pas Sali Berisha pohoi se kishte një draft të dakordësuar, por ka dhe një mendim të Venecias
Çfarë Lulzim Baha u tha gazetarëve mëngjesin e së enjtes, është se drafti i kaluar në qeveri nuk është ai për të cilin është rënë dakord.
Në gjithë këtë historik sfidash e kundër sfidash për strukturën që do të hetojë korrupsionin në nivele të larta, zot të së vërtetës janë ata që i hedhin, si dhe ambsadorët e ekspertët e tyre që publikisht heshtin.
Publiku është sot para dy versioneve. Atij të Ramës që thotë se drafti i dakordësuar është ai që ekspertët e huaj e kanë konfirmuar si të tillë. Dhe versioni i Lulzim Bashës që thotë se drafti i kaluar në qeveri nuk është ai për ët cilin ka dhënë konsensus.
Në rrethana të tilla nëse ka të drejtë Rama apo Basha, do të mund ta mësonin përmes një qëndrimi publik nga ndërmjetësuesit ose ekspertët amerikanë.
Lulzim Basha ndërkohë duhet të shpjegojnë nëse tani është në favor të pritjes së mendimit përfundimtar të Komisionit të Venecias dhe se këmbënguljen për ta kaluar me procedurë të përshpejtuar draftin, e kishte për retorikë politike, ndërsa besonte se zërat kundërshtuese brenda mazhorancës do ta zvarrisnin atë.
ABC News
