Organizata Botërore e Shëndetësisë ka shpallur urgjencë globale. Një virus i cili ka qenë me ne që nga viti 1940 sapo ka infektuar miliona viktima. Përderisa njerëzit janë paralajmëruar për këtë sëmundje, ka shumë prej njerëzve që nuk e dinë se çfarë është ky virus.
Zika ka infektuar tashmë njerëz nga më shumë se 20 vende në Amerikën Qendrore dhe Jugore, dhe Karaibe. Por, cilat janë simptomat? A duhet të frikësohemi nga ajo?
Si u shpërnda virusi?
Gjatë vitit 2015, virusi u zbulua në Brazil – që me shumë gjasë ka ardhur nga një lloj i veçantë i mushkonjave, të cilat e shpërndanë sëmundjen.
Simptomat
Simptomat më të zakonshme të Zika-s janë ethet, sytë e skuqur, puçrrat dhe dhimbjet në nyje. Simptoma të tjera përfshijnë dhimbje muskujsh dhe dhimbje koke.
Mikro-cefalia është një kusht i rrallë neurologjik, ku i prekuri nga ky kusht (zakonisht foshnjet) ka një kokë dukshëm më të vogël se të tjerët. Ky lloj kushti fitohet edhe nga virusi që është shpërndarë kohët e fundit.
Zika mund të bartet edhe seksualisht, jo vetëm nga mushkonjat. Tashmë janë vërtetuar tri raste që sugjerojnë se Zika është transmetuar seksualisht nga një person në tjetrin.
Hulumtuesit nuk janë të sigurt se si do ta mposhtin këtë virus. /Gazeta Express
